> “Rasoolullah ﷺ Madinah Munawwarah me 10 saal rahe aur har saal Qurbani ki.”
📖 Jami’ Tirmizi – Hadis: 1507
2. Nabi ﷺ ne kin janwaron ki Qurbani ki?
(*) Mendhe / Dumba (Ram)
Hazrat Anas RA farmate hain:
> “Nabi ﷺ ne do safed aur siyah dhabbewale singh wale mendhon ki Qurbani ki. Aap ﷺ ne apne mubarak haath se unhe zibah kiya, ‘Bismillah Allahu Akbar’ padha aur apna paon unki gardan par rakha.”
📖 Sahih Bukhari – Hadis: 5558 📖 Sahih Muslim – Hadis: 1966
Janwar ki sifat:
Safed rang me siyah dhabbewale
Singh wale
Tandurust aur khoobsurat
(*) Unt (Camel)
Hazrat Jabir RA se riwayat hai:
> “Hudaybiyah ke saal humne Rasoolullah ﷺ ke saath ek Unt saat (7) aadmiyon ki taraf se aur ek gaay saat aadmiyon ki taraf se Qurbani ki.”
📖 Sahih Muslim – Hadis: 1318
Aur Hajjatul Wida me:
> “Nabi ﷺ ne 63 Unton ko apne mubarak haath se nahar (zibah) kiya.”
📖 Sahih Muslim – Hadis: 1218
(*) Gaay (Cow)
Hazrat Jabir RA se riwayat hai
> “Rasoolullah ﷺ ne hume hukm diya ke hum Unt aur gaay me saat saat aadmi shareek ho sakte hain.”
📖 Sahih Muslim – Hadis: 1318
Is se maloom hua ke bade janwar me hissa lekar ek sath 7 admiyon ki taraf se Qurabni hoti hai
3. Nabi ﷺ Qurbani kese karte the?
(*) Apne haath se zibah karna
Hazrat Anas RA
> “Nabi ﷺ ne dono mendhon ko apne mubarak haath se zibah kiya.”
📖 Sahih Bukhari – Hadis: 5558
(*) Bismillah aur Takbeer padhna
> Waqte Zibah “Bismillahi Allahu Akbar” kehna
📖 Sahih Bukhari – Hadis: 5565
(*) Dua padhna
Hazrat Aisha RA se riwayat:
> Nabi ﷺ ne Qurbani ke janwar ko lita kar ye dua padhi:
> “Allahumma taqabbal min Muhammadin wa aali Muhammadin wa min ummati Muhammad.”
Tarjuma: “Ya Allah! Muhammad ﷺ, Aale Muhammad ﷺ aur Ummat-e-Muhammad ki taraf se ise qabool farma.”
📖 Sahih Muslim – Hadis: 1967
4. Nabi ﷺ kis qisam ke janwar pasand farmate the?
Behtareen aur sehatmand janwar
Hazrat Bara bin Azib RA se riwayat:
Rasoolullah ﷺ ne farmaya:
> “Chaar qisam ke janwar Qurbani ke liye jaiz nahi:
1. Ek aankh wala jo zahir tor par kana ho
2. Bimaar janwar jiski bimaari wazeh ho
3. Langda janwar jiski langrahat wazeh ho
4. Bohot dubla kamzor janwar jiske haddiyon me maghz (Gosht) na ho.”
